SISD – Maumeta, 01 Jullu 2026 – Estudante husi Universidade da Paz (UNPAZ) hamutuk nain sianulo resin hitu (97) tuir estagiu  iha suku Maumeta, Postu Administrativu Bazartete, Munisipiu Liquica durante fulan ida.

Gabriel Gregorio da Cunha Saldanha nu’udar Estudante Estajiariu husi Faculdade Direitu – UNPAZ ba Equipa Sentru Informasaun Suku Dijital Maumeta , Tersa (30/06) semana ne’e hateten objktivu husi estajidu ne’e maka oinsa buka hatene konaba problema komunidade no oinsa atu bele hetan solusaun.

“Ami husi estagiadu UNPAZ hakarak hatene komunidade iha suku Maumeta ida ne’e nia problema no mos bele fo’o solusaun ba problema hirak ne’e”, dehan Gabriel.

Estudante ne’e mos haktuir atividades ne’ebe maka sira halao durante ne’e maka foti dadus konaba komunidade nia moris.

Total estudante estajiadu nain sianulo resin hitu ne’e, mai husi Fakuldade ne’en (6) maka hanesan, Fakuldade Direito, Fakuldade Saude, Fakuldade Economia, Fakuldade Agricola, Fakuldade Ciencia Humana no Enginaria.

Entretanto Xefi Suku Maumeta Victor da Silva husu ba Universidade da Paz (UNPAZ) atu haforsa koordenasaun ho governu suku no asegura disiplina estudante estajiáriu sira ne’ebé atualmente hela no hala’o estájiu iha Suku Maumeta.

Victor da Silva hateten estudante estajiáriu sira husi UNPAZ halao estagiu iha suku Maumeta ne’e hahu husi loron 15 Juñu 2026 no remata estajiu iha fulan Jullu nia laran, maske nune’e husi parte Autoridade suku seidauk simu informasaun ofisiál kona-ba objetivu, programa no atividade sira ne’ebé estudante sira sei implementa iha komunidade.

“Estudante sira mai hela iha suku, maibé ami la simu informasaun kona-ba programa no atividade sira ne’ebé sira hala’o. Tanba ne’e, importante tebes atu universidade halo koordenasaun diak liu ho governu suku molok estudante sira hahú sira nia atividade,” dehan Victor.

Nia mós apela ba Universidade da Paz atu kontinua akompaña no orienta estudante sira atu mantein disiplina no respeitu ba komunidade no ambiente durante períodu estájiu.

“Nudar lideransa komunidade, hau husu ba universidade atu akompaña estudante sira ho disiplina diak. Estudante sira tenke respeita komunidade no ambiente, labele hemu tua iha fatin estájiu, labele soe lixu arbiru, no hatudu hahalok diak tanba sira mak futuru nasaun ida ne’e,” nia dehan.

Xefe Suku espera katak koordenasaun ne’ebé diak entre universidade, autoridade munisípiu no Autoridade suku bele garante implementasaun programa estájiu ne’ebé fó benefísiu ba estudante sira no komuni.dade Suku Maumeta.

Hakerek Nain                : Equipa SISD Maumeta

Editor                               : Formador JPD-SEKOMS